Chelsea po kalon një nga sezonet më të vështira të viteve të fundit, teksa janë eliminuar nga kompeticionet e rëndësishme dhe në kampionat mbajnë vendin e 12-të me 39 pikë.
Për këtë situatë të londinezëve, ka folur edhe lojtari Kay Havertz. Futbollisti gjerman kaloi fajin te drejtuesit, duke thënë se trajneri Thomas Tuchel u shkarkua pa arsye dhe pas atij vendimi dihej që kjo situatë do të vinte për skuadrën.
Gjithçka që mund të kishte shkuar keq, ka shkuar keq. Sezoni filloi relativisht mirë. Pastaj Thomas Tuchel u shkarkua dhe kjo padyshim që bën diferencën në një ekip si ky. Kur fiton me një trajner dhe më pas ai shkarkohet pa asnjë arsye, dihet që gjërat nuk shkojnë mirë.
Aktualisht, Chelsea drejtohet nga Lampard, i cili e ka nisur shumë keq, me rezultate negative dhe ka kontratë deri në fund të sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
