E ardhmja e Depay , e paqartë

  Optimizmi i Barcelonës  në lidhje me merkaton asnjëherë s’ka munguar .  Katalanasit  pas humbjes se luftës për Georiginio Wijnaldum i cili vendosi per Paris St Germain  janë kthyer edhe më të fortë në tratativat vijuese .  Opsioni më i vlefshëm momentalisht për spanjollët është  Memphis Depay , për të cilin Ronald Koeman gëzon shumë respekt dhe i njeh me detaje cilësitë sepse  kanë bashkjetuar në të kaluarën tek  Hollanda .  Interesi i Barcelonës i jep një tjetër ngjyrë karrierës se 27 vjeçarit dhe  pozicionohet si kandidatja  numër një për ta transferuar në ‘’ Camp Nou ‘’ por duke i ditur cilësitë e hollandezit Juventusi pretendon që të garojë fuqishëm për ta fituar këtë garë .

 Qëndrimi i Ronald Koeman në Katalunjë thekson  një plus në funksion të këtij operacioni  sepse  58 vjeçari ndoshta mund t’ia ndërrojë mendjen   për tu bërë pjesë e planeve të tij  duke filluar që nga sezoni i ardhshëm .  Në këtë garë edhe pse  është vështirësuar me hyrjen në luftë të ‘’ Zonjës së Vjetër ‘’ tek Barcelona  besohet fort se do të veshë ngjyrat kuq e blu për të kontribuar në revolucionin e planifikuar  nga drejtuesit e spanjollëve të cilët duan  të mos e stërzgjasin  rifitimin e  vlerave të humbura përgjatë viteve të fundit . Sipas zërave që kanë qarkulluar në kampin katalanas  pritet që zyrtarizimi i këtij operacioni ta ketë hapin e fundit në ditët vijuese  për të cilin është përgatitur  një kontratë tre vjeçare ku Memphis Depay do të përfitojë të njëjtën rrogë si tek Lyoni por me një kualitet krejtësisht ndryshe në krahasim me  ‘’ Los Gones ‘’.  

Si duket humbja e luftës në minutat e fundit me Paris St Germain për Georginio Wijnaldum do të kompensohet me  një lojtar të kalibrit , statistikat e të cilit nuk lënë vend për gabime në një skuadër ku kërkesa e llogarisë është shumë e madhe por  aspiratat e Memphis Depay për të progresuar janë në të njëjtat standarte . 

Me francezët  ish-i i Manchester United  ka ditur të jetë shumë efikas përpara portës për arsye se zhvilloi një sezon për tu duartrokitur  , me 22 gola dhe 12 asiste në 40 takime .