Duke qenë se është konfirmuar largimi i Conor Gallagher tek Atletico Madridi ka nisur puna për gjetjen e një tjetër elementi. ‘’ Los Colchoneros ‘’ kanë vepruar shpejt për ti garantuar Diego Simeones ecurinë e duhur i cili ka dhënë një kontribut që nuk do harrohet asnjëherë.
Sfida në mesfushën e spanjollëve do të jetë e vështirë pasi do ti duhet të rivalizojë me Koken dhe Pablo Barriosin.
Në fakt ‘’ El Cholo ‘’ ka zgjedhur Aleix Garcian i cili prej dy sezonesh po bën mirë në rradhët e Bayer Leverkusenit.
Megjithatë edhe Luis Milla po monitorohet por si duket 28 vjeçari i ‘’ Aspirinave ‘’ e ka bindur më tepër numrin një të stolit, një ndër më të paguarit në botë.
Mundësia për tu rikthyer në La Liga është shumë e madhe dhe dyert e ‘’ Wanda Metropolitanos ‘’ tashmë janë hapur për Aleix Garcian.
Kualiteti i treguar ndër vite e klasifikon si një ndër prioritetet e ‘’ Los Rojblancos ‘’ për vijimësinë duke qenë se nxënësi i Kasper Hjulmand shquhet për karakterin kompetitiv dhe i jep një avantazh të dukshëm repartit në të cilin aktivizohet.
Referuar sezonit aktual ishi i Gironas numëron 3 gola dhe 5 asiste në 23 sfida me ish fituesit e Bundesligës dhe interesin e kryeqytetasve pritet që ta analizojë me detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
