Dëmtimi i Simon Kjaer e ka lënë të çalë Milanin në prapavijë dhe drejtori sportiv Paolo Maldini është vënë në ndjekje të një elementi që mund ti ndryshojë ecurinë mbrojtjes . Andreas Christensen konsiderohet një opsion ideal nga Stefano Pioli dhe italianët kanë shansë për ta transferuar danezin në ‘’ San Siro ‘’ sepse nuk ka akorduar me Chelsean rinovimin e kontratës e cila përfundon në 30 qershorin e 2022-shit.
Ky fakt avantazhon Milanin për të qenë më afër 25 vjeçarit gjatë merkatos së janarit , operacion që ndoshta mund të vlerësohet nga ‘’ Blutë e Londrës ‘’ sepse do ti shërbente fuqizimit të arkave dhe njëkohësisht do të evitonte largimin e mundshëm të nordikut me parametër zero në fundin e sezonit .
Duke iu referuar këtij operacioni duhet të theksohet se Milani do ta ketë shumë të vështirë për ta larguar nga ‘’ Stamford Bridge ‘’ për arsye të rëndësisë së ishi-t të Borussia Monchengladbah në skemat e Thomas Tuchel , trainer që ia ka ndryshuar krejtësisht fytyrën kryeqytetasve dhe gjeneron shumë entuziazëm për të vijimësinë.
Vlerat e Andreas Christensen i imponojnë drejtuesve nga Londra të bëjnë maksimumin gjatë javëve të ardhshme për të firmosur rinovovimin me qëndërmbrojtësin dhe të mos devijojnë nga rruga e suksesit së arritur në sezonin e kaluar .
Rëndësia e tij tek Chelsea automatikisht e largon Milanin nga ky akord sepse ka përballë një skuadër që zor se bën gabime të kësaj natyre sepse është e ndërgjegjshme se lufta për trofe ashpërsohet çdo sezon .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
