Liverpool zbardh planin B për mesfushën

Objektivi kryesor i Liverpoolit për mesfushën vijon të jetë Jude Bellingham , lojtar për të cilin janë në garë disa ekipe të elitës.

‘’ The Redsat ‘’ janë të vetëdijshëm se akordi me anglezin s’do të jetë aspak i lehtë për arsye se prapa derës vijon të jetë Real Madridi dhe duke iu referuar këtij fakti , gjigandët e Premier Leagues dhe jo vetëm tashmë po vëzhgojnë një tjetër element.

Sipas ‘ TalkSport ‘ , Jurgen Kloppi ia ka vënë syrin Mateo Kovacicit, lojtar që i përmbush pritshmëritë gjermanit dhe do të shkaktonte pa dyshim një risi në mesfushë.

Kroati shquhet për vizionin në lojë, është një përdorues i shkëlqyer i topit dhe në të shumtat e rasteve mund të rezultojë determinant në goditjet , sidomos ato nga distanca, pa harruar as efikasistetin në prapavijë.

Megjithatë, Liverpooli do ta ketë shumë të vështirë për arsye të rëndësisë së 28 vjeçarit tek ‘’ Blutë e Londrës ‘’ , drejtuesit e të cilëve në shumë raste e kanë deklaruar se pretendojnë qëndrimin e ishi-t të Interit në ‘’ Stamford Bridge ‘’.

Todd Boehly investoi fuqishëm në dy merkatot e fundit dhe objektivi në vijueset do të jetë rikuperimi me shitjet e disa lojtarëve , të cilët nuk e kanë bindur Graham Potterin.

Gjithsesi  pretendimi i kryeqytetasve i tejkalon 40-50 milionë eurot dhe duke ditur situatën aktuale të tyre , rivalët direktë mund të kenë shanse për ta transferuar  Mateo Kovacic në ‘’ Anfield Road ‘’ gjatë verës.