Detajet e operacionit ‘’ Haaland ‘’

 Prej muajsh me rradhë përflitej për transferimin e Erling Haaland tek një ekip i elitës dhe fatin në këtë rast e ka patur Manchester City .

Milionat e sheikëve të bardhekaltërve e bindën më në fund Borussia Dortmundin , skuadër e cila  qëndroi gjithmonë e paluhatur në pretendimet e saj për golashënuesin norvegjez.

Bashkpunimi midis Txiki Begiristain dhe Omar Berradas  rezultoi një sukses më vete sepse  arritën të reflektojnë potencialin që i karakterizon në lidhje me këtë operacion shumë të vështirë. 

Sipas ‘ As ‘ ka patur një ndryshim duke iu referuar klauzolës për prishjen e kontratës e cila vlerësohet me 60 milionë euro dhe jo 75 ashtu siç u deklarua më përpara.

Sulmuesi nga Leeds vlerësohej me 200 milionë euro dhe duhet shtuar këtu se një pjesë e shifrës së shpenzuar nga britanikët do ti takojë agjentit dhe babait të tij , respektivisht nga 15 milionë euro.

Një tjetër aspekt shumë domethënës në këtë histori është se rroga vjetore e ishi-t të  Salzburgut do të jetë 20 milionë euro duke e shëndërruar kështu në lojtarin e katërt më të paguar në botë .

E kaluara e babait të tij tek Manchester City ka influencuar në këtë histori e cila pritet ti shkaktojë shumë kënaqësi Pep Guardiolas , trainer tek i cili vijohet të besohet fuqimisht sidomos pas këtij akordi, ndër më të bujshmit e viteve të fundit.

Pas tërheqjes së Sergio Agueros dhe dështimit me Harry Kane , bardhekaltërve iu duhej domosdoshmërisht një sulmues pykë dhe puna e shkëlqyer e drejtuesve më në fund i dha rezultatet dhe tashmë Pep Guardiola do të ketë nën urdhërat e tij një nxënës shembullor që në pak vite befasoi çdokënd me talentin që e karakterizon.

Ish traineri i Barcelonës tashmë do të ketë një as nën mëngë në momente të ndërlikuara por uria për sukses e mban në lojë dhe prioriteti absolut mbetet Champions League .

Me Erling Haaland në majën e sulmit çdo rival tashmë është paralajmëruar se në përballjen me City-n i pret ferri dhe duhet të bëjnë shumë kujdes sepse çdo gabim mund ti kushtojë shtrenjtë.