Trajneri Edy Reja është në fundin e kontratës së tij me Shqipërinë, e cila skadon në muajin nëntor dhe nuk do të ketë rinovim.
Në FSHF kanë filluar të mendojnë për zëvendësuesin, i cili mund të jetë sërish italian. Ditën e sotme, “Gazzetta dello Sport” shkruan se Luigi Di Biagio mund të jetë trajneri i ri i Kombëtares shqiptare.
Sipas mediave italiane, 51-vjeçari pëlqehet shumë nga presidenti Armand Duka dhe arritja e një marrëveshje nuk përjashtohet. Di Biagio mund të drejtojë Shqipërinë që në muajin tetor, në miqësoren ndaj Italisë.
Kujtojmë se emri i Di Biagio qarkullon prej ditësh, por vetë FSHF mohoi arritjen e një marrëveshje me italianin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
