Në sezonin e 13-të tek Atletico Madridi rendimenti i Jose Maria Gimenez ka ardhur në rënie.
Sigurisht uruguajani prej vitesh me rradhë është konsideruar një pilar në prapavijën e ‘’ Los Colchoneros ‘’, situata e të cilit ka ndryshuar në krahasim me të kaluarën.
Lajmi është publikuar nga ‘ El Desmarque ‘ dhe demostron se e ardhmja e tij në ‘’ Wanda Metroplitano ‘’ është në rrezik.
Merkatoja e verës do të jetë përcaktuese për 31 vjeçarin, lojtar i mënjanuar nga Diego Simeone, trainer i cili shquhet për kokëfortësinë dhe të qënit tejet kërkues.
Drejtuesit e kryeqytetasve e kanë bërë me dije se do të tentojnë ta rifreskojnë repartin e mbrojtjes me elementë të rinj dhe në rastin konkret duhet thënë se kontrata e Jose Maria Gimenezit përfundon në 2028-tën.
Fenerbahçe ka shfaqur interes për ishi-n e Danubios i cili i ka qëndruar besnik ‘’ Los Rojiblancos ‘’ por siç dihet çdo eksperiencë në futboll e ka një fund.
Humbja e protagonizmit sidomos tek një ekip aspirues për fitimin e titujve tregon se cikli i amerikano-jugorit në Spanjë mund të ketë përfunduar, i cili ka kontribuar me 1 gol në 23 sfidat e sezonit aktual, të cilat kanë lënë për të dëshiruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
