Stadiumet në Itali pritet të hapen në kapacitetin maksimal, ndoshta që nga muaji mars. Është kjo hipoteza, mbi të cilën Federata Italiane e Futbollit po diskuton me qeverinë.
Klubet kanë vuajtur mungesën e tifozëve në 2 vitet e fundit, për shkak të pandemisë. Së fundmi, presidenti i FIGC, Gabriele Gravina ka pasur një takim me ministrin e Shëndetësisë, Roberto Speranza, ku është folur për hapjen e stadiumeve në kapacitet maksimal.
Shenjat kanë qenë pozitive nga të dyja palët dhe ndoshta nga fillimi i muajit mars, në Itali mund të shikojmë përsëri stadiumet plot. Një lajm i mirë ky për të gjitha skuadrat, sidomos tani në një fazës vendimtare të sezonit.
Momentalisht stadiumet janë të hapura në 50% të kapacitetit, ndërsa do të fillojë të ngrihet gradualisht numri në 75% dhe më pas në 100%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
