<p>Uvil Zajmi, opinionist sportiv, analizoi në studion e MCN Informacion përballjen e pritshme Bayern-Inter. Zajmi tha se situata e të dy skuadrave është e ngjashme dhe kjo do të bëjë që edhe loja të jetë e ekuilibruar. Sipas Zajmit, ka gjasa që kualifikimi të vendoset nga ndeshja pasardhëse.</p> <blockquote> <p><em>Është një takim që i përket historisë dhe traditës. Duke iu referuar momentit të fundit, kemi të bëjmë me dy klube me histori që përplasen në Mynih. Do të përmend disa lojtarë: Rumenigen, Mateus. Janë skuadra me raporte të mira me njëra-tjetrën. Ndeshja drejtohet nga një zviceran i zgjedhur nga UEFA. Nuk është e lehtë të arbitrosh futbollin latin. </em></p> <p><em>Ajo që unë dua të them është se të dy skuadrat komandojnë kampionatet e vendeve të tyre. Një skuadër që ka dominuar në Champions, me një grup të mirë lojtarësh, sot i mungon një nga lojtarët kryesorë. Ka entuziazmin e publikut dhe dëshirën për të fituar. Nuk është ai Bajerni i famshëm që të mund dhe është spektakolar. Është një skuadër që shënon. </em></p> <p><em>Interi ka probleme në rezultate dhe lojë. Një skuadër që nuk jep siguri në lojë. Një nga problemet është edhe dyshja e sulmit. Nuk janë lojtarë të skuadrës. Nuk është si dikur. </em></p> <p><em>Gjykoj se janë dy skuadra në ekulibër. E shoh të tillë edhe ndeshjen. Kualifikimi do të zgjidhet në ndeshjen e dytë. </em></p> </blockquote> <p> </p> <p><iframe allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="" frameborder="0" height="315" referrerpolicy="strict-origin-when-cross-origin" src="https://www.youtube.com/embed/CdFc98g9qJ4?si=M4eeQKQMmcwaVhlN" title="YouTube video player" width="560"></iframe></p>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
