Me qëndrimin e Antonio Rudiger në rrezik , Chelsea ka filluar kërkimin për gjetjen e një zëvëndësuesi ideal për gjermanin . Kryeqytetasit i janë rikthyer pistës Jules Kounde i cili konsiderohet një ndër lojtarët më premtues për të ardhmen dhe sipas ‘ Daily Star ‘ kanë filluar përveshjen e mëngëve për ta transferuar në ‘’ Stamford Bridge ‘’. Kërkesa e Sevillas në lidhje me 22 vjeçarin mbetet e njëjta sepse s’ka ndërmend të lejojë largimin e tij nga ‘’ Sanchez Pizjuan ‘’ për më pak se 70 milionë euro , shifër të cilës do ti qëndrojë besnike deri në fund.
Gjithsesi aktualisht rrjedha e ngjarjeve ka ndryshuar paksa sepse nëse Antonio Rudiger do ti japë fund eksperiencës me ‘’ Blutë e Londrës ‘’ , në njëfarë mënyre Chelsea do të detyrohej ta pranonte kërkesën e ‘’ Los Rojiblancos ‘’ .
Nëse i referohemi gjermanit mund të thuhet se një ndër arsyet kryesore të mosrinovimit të kontratës me kampionët në fuqi të Champions Leagues është interesi i Real Madridit dhe Paris St Germain për një lojtar që ka shkruar historinë duke kontribuar në fitimin për të dytën herë të kompeticionit më prestigjoz europian .
Cilësitë nga të cilat karakterizohet konsiderohen shumë tunduese nga këto ekipe dhe Chelseat nuk i mbetet gjë tjetër veçse të këmbngulë për Jules Kounde , lojtar që është shëndërruar në të pazëvëndësueshëm për Julen Lopeteguin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
