Përpjekjet e vazhdueshme të drejtuesve të Juventusit për të arritur marrëveshjen me Jadon Sanchos po japin efekt.
‘’ Zonja e Vjetër ‘’ është një ndër pretendentët kryesorë të anglezit dhe sipas ‘ SportMediaset ‘, negociatat janë drejt përfundimit.
Si duket Chelsea do të mbesë me duar bosh, një rival shumë i sikletshëm për italianët por këta të fundit besohet se do të buzëqeshin.
Pavarësisht kualitetit të padiskutueshëm, rendimenti i mesfushorit në sezonet e fundit ka lënë për të dëshiruar dhe ky fakt kurrsesi nuk mund të anashkalohet.
Për më tepër nuk e ka bindur trainerin Erik Ten Hag për ta aktivizuar si titullar të padiskutueshëm dhe bardhezinjtë shihen si një urë shpetimi për avancimin e mëtejshëm.
Eksperienca në Bundesligë dhe në Premier League vlerësohet nga traineri Thiago Motta, i cili mund ta shfrytëzojë teknikën, shpejtësinë dhe adaptimin në disa pozicione të ofensivës për ti ardhur në ndihmë ish rekordmenëve të Serisë A në të shkuarën.
Me vetëm 24 vite mbi supe Jadon Sancho premton shumë dhe sipas ekspertëve të merkatos shumë shpejt do të kalojë në ‘’ Allianz Stadium ‘’.
‘’ Blutë e Londrës ‘’ janë disi më të disavantazhuar në krahasim me Juvenusin, një ekip që kërkon të rikuperojë terrenin e humbur, në Itali dhe Europë.
Edhe pse e ka filluar zyrtarisht sezonin me Manchester United, ditët e mbetura do ti vënë pikën mbi i kësaj historie për një lojtar tejet cilësor, edhe tek Anglia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
