Pak çaste ndajnë zyrtarizimin e Marash Kumbullës te Roma, e cila në total do të paguajë 30 mln euro për blerjen e mbrojtësit 20-vjeçar. Por për blerjen e tij ka folur së fundmi ish-bommberi i kombëtares shqiptare Erion Bogdani, i cili për ‘Teleradiostereo’, ka bërë elozhe ndaj vardhekuqve por edhe mbrojtësit kuqezi.
Blerja e goditur nga Roma ose jo? Roma ka blerë një mbrojtës të shkëlqyer. Kanë kryer një investim të jashtëzakonshëm. Është 20 vjeç dhe ka luajtur nën urdhërat e mia nën moshën e Shqipërisë U19, por ka arritur të përmirësohet dhe është rritur shumë. Vjet ka bërë një sezon të shkëlqyer në Itali.
Në lidhje me çmimin- Çmimi i blerjes së tij (30 milionë euro) nul është një shifër e ekzagjeruar, shumë klube u interesuan për të. E përsëris se Roma ka bërë një goditje me Kumbullën, që tashmë është dhe lojtar i kombëtares së Shqipërisë.
A do përshtatet? Roma të mbrojë investimin e bërë. Ai ka ardhur në një terren të vështirë, por do të luajë fort për ta. Tani është në dorën e Marashit.
A është ekipi i duhur për Kumbullën? Në Serinë A duhet të përmirësohesh gjithmonë. Ka shumë sulmues të zotë. Marash është i gjatë, dikush thotë se është i ngadaltë, por kjo nuk është e vërtetë. Ai e lexon lojën shumë mirë, di të pozicionohet mirë. E kam ndjekur shumë vitin e kaluar dhe më ka befasuar, sidomos në ndeshjen me Interin, ku e përballoi shumë mirë Lukakun. Me mua Marashi luante në skemë me 4 mbrojtëse. Ka personalitet dhe nuk ka frikë të dalë përpara për të nisur aksionet. Po flasim për një 20-vjeçar, i cili di t’i përshtatet sistemit mbrojtës të lojës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
