Sulmuesi shqiptar, Myrto Uzuni, gjeti rrugën e rrjetës në La Liga, aty ku është pjesë e skuadrës së Granada-s.
Beratasi realizoi golin e vetëm për ekipin e tij, në barazimin 1-1 ndaj Almerias. Miqtë kaluan të parët në avantazh, falë një goli të shënuar në pjesën e parë.
Në minutën e 75-të, Uzuni u shkëput bukur pas një pasimi dhe i vetëm me portierin, nuk gaboi, duke e ndalur topin në fundin e rrjetës.
Ky është goli i shtatë sezonal në kampionat për Uzunin, që shpreson të vazhdojë kështu, për të qenë në formë për Europianin e verës, ku do të marrë pjesë edhe Shqipëria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
