Trajneri i Partizanit, Zoran Zekiç, foli për MCN TV, pas ndeshjes me Kukësin, ku skuadra e tij fitoi 4-3. Zekic deklaroi dhe nuk ishte i lumtur për golat e pësuar dhe kjo e irritoi.
Në lidhje me të ardhmen, tekniku kroat tha se ka probleme personale, por për këto do flasë me presidentin Gaz Demi.
Tre gola të pësuar janë shumë. Ia kam thënë lojtarëve, që ekipet moderne duhet të bëjnë mirë në të dyja fazat. Isha nervoz për golat e pësuar, por do punojmë për t'i përmirësuar.
Në fillim ajo që dua të them me sinqeritet, kam respekt të madh për Partizanin, për Gazin, jo vetëm si pronari. Në këto 4 muaj e njoh si person dhe do të jetë në zemrën time gjithë jetën. Kur erdha këtu, kam ardhur me zemrën e hapur dhe që në momenti i parë ishte e qartë që do të kisha marrëdhënie të mirë. Kam disa probleme personale, por nuk do flas për këto këtu, por do flas me presidentin për këto.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
