Trajneri i Laçit, Mirel Josa, foli për MCN TV, pas ndeshjes, ku skuadra e tij barazoi 2-2 ndaj Tiranës.
Josa tha se për mënyrën si shkoi loja, është i kënaqur me rezultatin, ndërsa shtoi se skuadra mund të ishte më e kujdesshme në pasime.
Kishim disa defekte në pjesën e parë. Duhet të punonim më mirë sa i përket zbritjes së lojës nëpërmjet pasimeve vertikale. U rregullua diçka. Futja në lojë shumë mirë e Myrtjas, si sulmues i dytë që ishte, por më tepër doli si organizator.
Në pjesën e dytë që shënuam shpejtë golin e 1-2, pastaj duhet të ishim më të qetë sa i përket pasimeve tona. Kur je në një rezultat 0-2 dhe barazon përballë një skuadre si Tirana, mund të them që jam i kënaqur në përgjithësi.
Për të organizuar lojën për të dalë përpara, skuadra funksionon më mirë. Mos të harrojmë që kemi pasur shumë probleme dhe ndërrimet që u futën nuk ishin në gjendjen më të mirë fizike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
