Kalimi i Cristiano Ronaldos tek Al Nassr është pasuar me një rikthim të mundshëm në të ardhmen në Premier League, pikërisht tek Newcastle , ekipi më i pasur në botë.
Megjithatë, një histori e tillë duket se nuk do të ndodhë , sidomos pas konfirmimit të trainerit Eddie Howe , i cili për të famshmen ‘ Mundodeportivo ‘ u shpreh :
“ Nuk kemi patur kontakte me Cristianon . I urojmë më të mirën gjatë eksperiencës në Arabinë Saudite ‘’ , ishin këto fjalët e numrit një të stolit të bardhezinjve.
Sipas deklaratave të fundit , e vërteta lidhet me transferimin e ‘’ Cr7 ‘’ tek një ekip që do ti sigurojë pjesëmarrjen në Champions League në të ardhmen , kompeticioni i preferuar i golashënuesit nga Madeira.
Gjithsesi transferimi tek Al Nassr ka rezultuar shumë i bujshëm për pesë herë fituesin e ‘’ Topit të Artë ‘’ i cili ka firmosur një kontratë deri në 2025-sën, nga e cila do të përfitojë 200 milionë euro në sezon, duke u shëndërruar kështu në futbollistin më të paguar ndonjëherë në futboll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
