Partizani do të luajë të martën, ndeshjen e parë ndaj Atletic Club D’Escaldes, të vlefshme për turin e dytë në Conference League, e cila vjen live dhe ekskluzivisht në ekranin e MCN TV. Në prag të kësaj sfide, ka folur edhe trajneri i të kuqve. Zoran Zekiç, deklaroi se skuadra duhet të jetë e përqendruar në fushë dhe të tregojë autoritet. “Ajo që është më e rëndësishme është që këtu duhet të jemi të përqendruar maksimalisht dhe të luajmë lojën tonë. Të tregojmë autoritet në ndeshjen e nesërme. Sot do të zhvillojmë edhe seancën e fundit. Deri tani të gjithë lojtarët janë të gatshëm. Kemi luajtur dy ndeshje dhe shpresoj që të mos kemi asgjë serioze për ndeshjen e nesërme. Janë dy përballje për tu luajtur, do të fokusohemi te ndeshja e nesërme. Kemi analizuar kundërshtarin gjatë këtyre ditëve. Nesër duhet të mendojmë për paraqitjen tonë dhe të jemi gati për çdo gjë që mund të ndodh gjatë ndeshjes.”, deklaroi Zekiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
