Zërat e kohëve të fundit mbi një rikthim të Lionel Messit në ‘’ Camp Nou ‘’ e kanë marrë përgjigjen direkte të presidentit Joan Laporta i cili nuk është shprehur në favor të kësaj çështje duke i dhënë prioritet organikës aktuale që po drejtohet me shumë mjeshtëri dhe profesionalizëm nga Xavi Hernandez.
Pas dështimit tek Parisi , ‘’ La Pulgas ‘’ i është mbyllur dera sepse katalanasit e kanë vënë theksin tek suksesi në këtë sezon , shumë i mundshëm duke parë ecurinë deri në këtë fazë.
Mbi këtë temë shumë të rëndësishme sepse flitet për lojtarin me më shumë influencë në historinë e ‘’ Los Cules ‘’, manjati spanjoll është shprehur :
“ Jemi të fokusuar vetëm tek aktualiteti . Nuk mendoj asgjë tjetër pasi është një çështje që duhet ti japim zgjidhje të menjëhershme për të mos vështirësuar objektivat ‘’, theksoi Joan Laporta i cili ka vënë gjithçka në dispozicion të Xavi Hernandezit për të vijuar me shkëlqimin në krye të stolit.
Deklarata e presidentit praktikisht i ka vënë kapakun spekullimeve të kohëve të fundit e cila i jep më shumë fuqi qëndrimit të 7 herë fituesit të ‘’ Topit të Artë ‘’ në ‘’ Parque de Prince ‘’ , aty ku pritet prej shumë vitesh trofeu i Champions Leagues i cili fatkeqësisht i shpëtoi edhe këtë sezon nga duart ‘’ Les Pariziens ‘’.
Idetë e Joan Laportas kanë qenë të qarta që në krye të herës ku prioritet mbetet suksesi i Barcelonës dhe shqyrtimi i alternativave të tjera vijon me të njëjtin ritëm , ndër të cilat përfshihet Haaland , Lewandowski , Salah dhe Raphinha që kanë progresuar ndjeshëm me skuadrat e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
