Partizani duket se nuk ka ndërmend të ndalet në merkato, teksa ditën e sotme ka zyrtarizuar afrimin e radhës. Mbrojtësi Eljon Sota është lojtari më i ri i të kuqve. Ka qenë vetë klubi i kryeqytetas që nëpërmjet faqes zyrtare ka njoftuar firmën me ish-lojtarin e Apolonisë.
“Partizani zyrtarizon arritjen e marrëveshjes me Eljon Sota. Mbrojtësi 23 vjeçar ka nënshkruar me të kuqtë një kontratë tre vjeçare. Sota pjesë e ekipeve zinxhir të Apolonisë si dhe ish pjestar i ekipit tonë përfaqësues U-21, sezonin e kaluar me Apoloninë u konfirmua si i vetmi lojtar i kampionatit tonë i cili është aktivizuar 90 minuta të plota në 36 takimet e Kategorisë Superiore. Sota do të jetë i gatshëm për përballjen e sotme ndaj Sfintul Gheorghe.”, thuhet në komunikatën e klubit.
Një dhuratë për trajnerin Ilir Daja kjo, që vjen vetëm pak orë para ndeshjes në raundin e parë eliminator në Conference League, ku Partizani do të sfidojë rumunët e Sfintul Gheorghe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
