Klubi i Serie A, Spezia është duke u përballur me një moment tejet të vështirë. Ditën e djeshme, FIFA i bllokoi për dy sezone merkaton klubit italian, kjo për shkak të parregullsive në transferimin e lojtarëve minoren.
Ditën e sotme Spezia ka marrë një tjetër lajm të keq. Pas testeve të kryera, është zbuluar se 7 anëtarë të skuadrës janë pozitiv me Covid-19. Bëhet e ditur se 6 prej të infektuarve janë futbollistë ndërsa tjetri është një prej anëtarëve të stafit teknik.
Situatë e vështirë te skuadra ku aktivizohet edhe mbrojtësi i Shqipërisë, Ardian Ismajli, me trajnerin Motta që duhet të gjejë zgjidhje sa më shpejt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
