Skënderbeu ka fituar finalen e tretë në volejboll për femra, teksa ditën e sotme ka mposhtur Tiranën.
Me dy finalet e para, një të fituar nga korçaret dhe një nga kryeqytetaset, në finalen e tretë ishin vajzat e Skënderbeut, që ia dolën të triumfojnë.
Në “Tamara Nikolla” të Korçës, Skënderbeu ka fituar 3-0 me sete (27-25, 25-17, 25-22) duke kaluar rezultatin e përgjithshëm në favor të vet 2-1 në total.
Vajzat e drejtuara nga Pandush Kapedani, u shfaqën dominuese nga fillimi në fund, duke triumfuar pa shumë probleme.
Vlen të përmendet edhe një numër i lartë tifozësh në “Tamara Nikolla”, me korçarët që pas skuadrës së futbollit që është drejt Kategorisë së Parë, kanë filluar të mbështesin skuadrën e volejbollit.
Finalja e katërt është planifikuar të zhvillohet më 7 maj në Tiranë. Në rast se në këtë duel fitojnë vajzat bardheblu të Amarilda Prengës, atëherë ajo që do të vendos fituesin do të jetë finalja e 5-të e 10 majit, që është planifikuar të luhet në Korçë, ndërsa në rast se Skënderbeu triumfon finalen e katërt, atëherë do të fitojnë titullin kampion, që në Korçë mungon nga viti 1986.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
