Në orët e fundit drejtuesit e Real Madridit janë fokusuar tek një tjetër element për mbrojtjen . William Saliba i Arsenalit, sipas specialistit të merkatos Ekrem Onur , tanimë është në listën e ‘’ Los Merengues ‘’. 22 vjeçari i Marseilles aktualisht konsiderohet ndër mbrojtësit më të mirë në qarkullim dhe kryeqytetasit nuk duan ta humbasin këtë rast gjatë merkatos së janarit. Dëmtimi i Eder Militaos e ka shqetësuar jo pak Carlo Ancelottin dhe tanimë drejtuesve nuk i ka mbetur zgjidhje tjetër veçse të transferojnë një tjetër element në mitikun ‘’ Santiago Bernabeu ‘’. Siç dihet Real Madridi në çdo sezon pretendon arritjen e suksesit në çdo kompeticion por duhet marrë në konsideratë se ‘’ The Gunnersat ‘’ mund të rezistojnë në lidhje me francezin, shumë i rëndësishëm në 11-shen e Mikel Artetas . Gjithsesi s’duhet anashkaluar Florentino Perezi, i cili gjithmonë ka dhënë maksimumin për skuadrën e zemrës, president që ndër vite ka arritur akorde me shumë lojtarë të njohur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
