Fitimi i Serisë A është hedhur mbas krahëve nga Interi . Zikaltërit po mundohen të gjejnë alternativat e duhura për ti shërbyer sezonit vijues dhe objektivi kryesor i Antonio Contes është përforcimi i çdo reparti për të mos hasur ndonjë kundrakohë . Rikthimi në Champions League është një vështirësi më vete sepse marrin pjesë kockat më të forta të Europes dhe italianët duhet të tregojnë forcën e tyre. Për këtë arsye traineri 51 vjeçar i ka hedhur grepat në Londër tek Chelsea.
Emerson Palmieri dhe Olivier Giroud janë dy të përzgjedhurit e rradhës për projektin që është duke ndërtuar . Si italiani ashtu edhe francezi mendohen të vihen në shitje nga ‘’ Blutë e Londrës ‘’ dhe 19 herë fituesit e Scudettos nuk kanë ndërmend ta humbin këtë rast . Këto lojtarë janë të ndërgjegjshëm se sa kerkues është tekniku nga Lecce për arsye se në të kaluarën kanë luajtur nën urdheëat e tij dhe fakti se Thomas Tuchel nuk i llogarit për të ardhmen , e lehtëson largimin e tyre nga ‘’ Stamford Bridge ‘’.
Rruga për Interin do të vështirësohet në sezonin vijues sepse presioni do të bjerë direkt mbi to dhe të mëdhatë e Serisë A dhe të Europës do të kërkojnë ti prishin punë dhe duhet të jenë në lartësinë e duhur në çdo ndeshje për të mos e humbur ritmin e fituar me shumë sakrifica .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
