Vazhdon “valsi” i trajnerëve në kampionatet elitare të Europës. Këtë herë është skuadra gjermane e Wolfsburg, që ka ndryshuar “timonierin” e ekipit. Pas largimit të Oliver Glasner, i cili mori drejtimin e Eintracht Frankfurt, te Wolfsburg do emërohet një ish-lojtar i njohur i futbollit botëror, siç është Mark Van Bommel. Holandezi ka arritur një marrëveshje me drejtuesit e klubit gjerman dhe do të jetë në stolin e skuadrës për sezonin e ardhshëm. Wolfsburg zhvilloi një kampionat të shkëlqyer, në sezonin që lamë pas, teksa arritën të renditen në 4 më të mirat, duke siguruar kështu pjesëmarrjen në Champions League.
Sipas asaj që raporton “Die Telegraaf”, kontrata për 44-vjeçarin është gati dhe tashmë ka mbetur vetëm zyrtarizimi, i cili pritet të vijë në orët e ardhshme nga klubi gjerman.
Në të kaluarën, si trajner, Van Bommel ka drejtuar skuadrën holandeze të PSV, ku qëndroi për një sezon e gjysmë dhe në 75 ndeshje si trajner me këtë ekip, regjistroi 44 fitore, 15 barazim dhe 16 humbje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
