Kalimi i Edouard Mendy tek Chelsea konsiderohet një fatkeqësi për portierin Kepa Arrizabalaga sepse i ka vjedhur protagonizmin spanjollit .
Për ishi-n e Bilbaos , ‘’ Blutë e Londrës ‘’ investuan 80 milionë euro në merkaton e 2018-tës por nuk ka mundur ta mposhtë francezin i cili është i pazëvëndësueshëm për Thomas Tuchel . Por për lojtarët cilësorë gjithmonë do të ekzistojë një dritë në fund të tunelit dhe Lazio ka menduar ti servirë një tjetër mundësi 27 vjeçarit për ti harruar anglezët .
Maurizio Sarri po analizon edhe Alex Meret dhe Diogo Costa por spanjolli i ngjall më tepër besim dhe këtë fakt ia ka shprehur drejtuesve së bardhekaltërve sepse me Thomas Strakoshan vijon të mos bindet . Sigurisht që një situatë e tillë e penalizon edhe Chelsean sepse vijon të ketë pjesë të tij një lojtar që nuk i shërben trainerit gjerman dhe vendimi më korrekt mbetet largimi i Kepa Arrizabalagas nga i famshmi ‘’ Stamford Birdge ‘’ për të shaplosur potencialin tek një skuadër tepër simpatike në Serinë A e cila njëkohësisht vijon edhe në Europa League ku e pret Porto në fazën me eleminim direkt .
Objektivi kryesor i romanëve mbetet kualifikimi për në Europë i cili sigurisht do të ketë vështirësitë e veta deri në fundin e sezonit . Vetëm 3 pikë i ndajnë lacialët nga arritja në ketë stad por duhet të rrisin vigjilencën sepse një hap fals mund ti kushtojë shtrenjtë .
Nëse përmbledhim ecurinë e deritanishme , Kepa Arrizabalagas i leverdis kalimi në ‘’ Olimpico ‘’ sepse pavarësisht se do të fitonte një rol titullari do të kishte shumë mundësi për mos t’iu larguar Europës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
