Rikthimi aty ku duhet sigurisht do ti kushtojë shumë punë Juventusit , skuadër që në këtë fund merkatoje dha për të kuptuar se mund të arrijë çdo objektiv. Massimiliano Allegri ja njeh shumë mirë pikat e dobëta bardhezinvje dhe në këtë aspekt e ka zhvendosur vëmëndjen tek mbrojtja , aty ku italianët nuk e kanë bindur aspak.
Antonio Rudiger dhe Andreas Christensen janë bërë pjesë e planeve të ishi-t të Milanit i cili asnjëherë më parë nuk ka përjetuar një situatë të tillë , aq më pak tek ‘’ Zonja e Vjetër ‘’ që ka mbretëruar absolutisht Serinë për 9 sezone rradhazi .
Mirëpo gjuha e futbollit flet ndryshe dhe është gati e pamundur që të vijohet në këtë rrugë nëse nuk shoqërohet me goditje cilësore në momentin e duhur dhe torinezët kanë reaguar përpara se të jetë tepër vonë.
Diferencat në këtë sport janë shkurtuar shumë dhe kundrakohët konsiderohen një barrierë shumë e madhe për progresin e mëtejshëm dhe Massimiliano Allegri kërkon të ketë në dispozicion lojtarë shumë kompetitivë që vinë nga sukseset me skuadrat respektive.
Sipas ‘ Calciomercatos ‘ Antonio Rudiger dhe Andreas Christensen janë dukshëm favoritë për të udhëtuar drejt ‘’ Allianz Stadium ‘’ por duke qenë se përfqësojnë ngjyrat e Chelseat , natyrisht që rezistenca e ‘’ Bluve të Londrës ‘’ do të jetë shumë e fortë për të mos i ulur pikët drejt vijimësisë .
Një aspekt që i disfavorizon italianët është se Thomas Tuchel i konsideron si pilarë të prapavijës të cilët kontribuan në fitimin e Champions Leagues për herë të dytë në histori por gjithsesi s’duhet lënë pa u përmendur edhe fakti se e përfundojnë kontratën me anglezët në fundin e sezonit dhe merkatoja verore mund të shkaktojë risi në karrierën e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
