Barcelona presion Realit të Madridit

<p>Barcelona ka kaluar për herë të parë pas shumë javësh në vendin e dytë të La Ligës, për t'i dërguar një mesazh të qartë Real Madridit kryesues.</p> <p>Katalanasit mposhtën bindshëm 4-0 Getafen në shtëpi, për të parakaluar Gironën dhe për të shkurtuar në 5 pikë diferencën me Los Blankos.</p> <p>Në Angli, pretendentët për titull nuk gabojnë. Mançester Siti iu fal golit të Foden në transfertën e Burnmuth që rezultoi e vështirë. Megjithatë të besuarit e Guardiolës rezistuan deri në fund duke dalë me 3 pikë.</p> <p>Arsenal nuk e diskutoi fitoren ndaj Njukasëll. 4-1 përfundoi sfida në Emirates. Me këto sfida të zhvilluara të shtunën, Liverpul vijon të mbetet në krye, një pikë më pak ka Siti dhe 2 pikë m pak Topçinjtë e Londrës.</p> <p>Bajerni i Mynihut nuk dorëzohet në misionin e vështirë për të kapur Bajer Leverkusenin në Bundesligë. Bavarezët morën një fitore karakteri ndaj Lajcpig. Golat u shënuan nga Hari Kejn, një prej të cilëve në fund të sfidës.</p>