Të paktën një tifoz i Juventus-it ka mbetur i plagosur me thikë pas përleshjes, së një grupi tifozësh italian me një grup ultras të Seviljes. Ngjarja ndodhi mbrëmjen e së hënës në qytetin spanjoll, ku sot në orën 20:45 do të zhvillohet ndeshja Sevilja-Juventus, e vlefshme për fazën në grupe në Chapmions League. Të dyja skuadrat si ajo italiane dhe ajo spanjolle do të luajnë sot për vendin e parë në grup.
Tifozi, emri i të cilit, nuk bëhet publik u transportua menjëherë në spital, ndërkohë që edhe disa bashkëkombës të tjerë u plagosën lehtë, por u mjekuan në vend pa u shtuar në spital. Sipas burimeve paraprake, rreth dhjetë tifoz italian të Juventusit ishin duke pirë diçka në barin, El Papelón de Reyes Católicos. Aty pranë i afrohen disa tifozë spanjoll të Seviljas, duke bërtitur, “Huligans Sevilja” dhe më pas ka nisur përleshja. Në vendngjarje mbërriti menjëherë policia, e cila shoqëroi disa persona në komisariat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
