Gazetari i sportit, Gjergji Stefa thotë se të luhen 4 nga 5 ndeshje në fusha asnjanëse, është në kufijtë e qesharakes. Duke folur gjithashtu edhe për ndeshjet e kampionatit shqiptar, ai tha se frika për të mos humbur ndeshjen, në kampionatin shqiptar ka filluar të ndikojë që në javët e para.
“Të luash 4 ndeshje nga 5 dhe në fusha asnjanëse, nuk tingëllon mirë. Shndërrohet pak në kufijtë e qesharakes. Shpresoj që nga janari 4 nga 5 ndeshjet të luhen në fusha të ndryshme. Kur skuadra nuk luan në qytetin e saj, humbet lekët e biletave. Ajo që mua nuk më pëlqen në këtë kampionat, është që frika për të mos humbur ka filluar që të ndikojë që në fillim. Është frika shumë e madhe, që qëndron në kokat e trajnerëve dhe në këmbët e lojtarëve. Kjo përveç se nuk sjell fitore, sjell lojë jo të bukur.
Frika që ekziston në kokën e Dajës, qoftë edhe për një raport delikat që kishte këtë verë me drejtuesit, transmetohet edhe te lojtarët. Partizani luan me frikë. Shumë lojtarë të ofruar nga Olsi Rama, janë refuzuar nga Ilir Daja. Këto janë ato që kemi mësuar ne gazetarët.”, u shpreh Stefa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
