Muajt e fundit çështja e rinovimit të Zlatan Ibrahimovich është shumëpërfolur por tashmë Milani duket se është në rrugën e drejtë për konkretizimin e tij . Me 39 vite mbi supe rendimenti i suedezit është përmirësuar ndeshje pas ndeshje dhe e ka shëndërruar figurën e tij në të domosdoshme për arritjen e suksesve .
Kjo situatë e ka përshpejtuar marrjen e vendimit nga drejtuesit e tyre për të besuar edhe më gjatë tek kontributi i 39 vjeçarit dhe ashtu siç është raportuar edhe nga e famshmja italiane Skysports ditët vijuese do ti vënë kapakun kësaj historie dhe kuqezinjtë do të shijojnë kontributin e vyer të golashënuesit të mirënjohur . Në klauzolën e kontratës së re rroga e tij prej 7 milionë eurosh në sezon do të mbetet e pandryshuar por benefitet e Milanit do të jenë evidente për arsye se Zlatan Ibrahimovich mbetet një emblemë për këtë institucion. Aktualisht sulmuesi i lindur në Malmo është referenca kryesore e skemave të Stefano Piolit në repartin e avancuar dhe pavarësisht se ka shënuar 17 gola në 24 ndeshje të zhvilluara i ka ndihmuar mjaftueshëm shokët e skuadrës për të qënë në nivelin e duhur në çdo ndeshje .
Nëse merret parasysh mosha e tij mund të shtohet se Zlatan Ibrahimovich është duke përjetuar një freski fizike impresionuese që ndikon automatikisht në gjetjen e rrjetave kundërshtare . Pavarësisht se ndodhen 8 pikë larg rivalëve të përjetshëm të tyre në luftën për fitimin e Scudettos , Stefano Pioli ka ditur të gjejë skemat e duhura për ta rikthyer Milanin në kohët e suksesit , rrugë e cila do të ketë shumë punë përpara sidomos me pjesëmarrjen në Uefa Champions League gjatë sezonit të ardhshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
