Praktikisht humbja e titullit të Serisë A me rivalët e përjetshëm të Interit i ka vënë me shpatulla mbas murit kuqezinjtë e Milanit të cilët kanë deklaruar spastrimet që mendojnë të bëjnë gjatë verës . Një ndër to është Rafael Leao që nuk e ka bindur ashtu siç duhet Stefano Piolin për të besuar në aftësitë e tij për sezonin vijues . Kalimi nga Lille në ‘’ San Siro ‘’ rezultoi një hap i suksesshëm për portugezin për ta shkruajtur emrin e tij në një ndër skuadrat më të famshme të globit por rendimenti i vakët i ka ndezur dritën jeshile 21 vjeçarit të talentuar .
Falë moshës fare të re dhe eksperiencës se akumuluar ndër vite Rafael Leao-n me siguri do ta presë një e ardhme e ndritur në kontinentin e vjetër për shërbimet e të cilit për hir të së vërtetës pretendentët nuk mungojnë . Aktualisht diçka e tillë nuk është bërë publike por me hapjen e merkatos parashikohet se vrulli i skuadrave të njohura në adresë të talentit portugez do të jetë intensiv dhe ndoshta me të papritura .
Karakteristikat e lojës së sulmuesit të lindur në Almada mbeten qershia mbi tortë për avancimin e mëtejshëm dhe parashikohet se merkatoja e verës do ti vërë pikat mbi i në lidhje me këtë çështje . Sezoni aktual ka diktuar 33 ndeshje me bluzën e kuqezinjve , 7 gola dhe 5 asiste për Rafael Leaon figura e të cilit pritet të lartësohet me kalimin e kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
