Pas interesit të Barcelonës pritej që lista e pretendentëve të Luis Diazit të zgjerohej.
Këtë herë është Bayern Muncheni, gjigand i Bundesligës dhe Europës gjithashtu.
Pritet një supersfidë në kontinentin e vjetër për asin kolumbian, determinant në katër sezonet e fundit me Liverpoolin.
Sipas lajmeve të fundit, bavarezët kanë arritur një paraakord me 28 vjeçarin, i cili mund të qëndrojë në ‘’ Allianz Arena ‘’ deri në 2029-tën kundrejt një page prej 14 milionë eurosh në sezon.
Luis Diaz është një lojtar shumë luftarak, tek i cili spikat niveli teknik dhe shpejtësia dhe në të shumtat e rasteve i fiton duelet me kundërshtarët.
Mënyra se si luan ekipi i Vincent Kompany pëlqehet nga Luis Diaz, për të cilin presidenca e anglezëve pretendon rreth 80 milionë euro.
Kapaciteti i ekipit nga Mynihu është shumë i madh dhe ndërkohë protagonisti i historisë është në pritje të ecurisë së negociatave në vijimësi.
Pas kampionatit portugez dhe atij anglez, ai gjerman mund të jetë prova a rradhës në karrierë, ndër pesë më të rëndësishmit e Europës.
17 gola dhe 5 asiste në 50 sfidat e sezonit të shkuar, të shoqëruara me një lojë shumë bindëse e kanë lartësuar figurën e lojtarit nga La Guajira, i përzgjedhur edhe nga Nestor Lorenzo tek kombëtarja e ‘’ Los Cafeteros ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
