Milani vijon të ketë objektiva shumë interesantë për merkaton . Rikthimi në Uefa Champions League mbetet një privilegj për kuqezinjtë që tashmë janë rifutur në shinat e suksesit . Pikërisht këtë kompeticion Milani e ka fituar 7 herë gjatë historisë dhe mbetet një rival për tu respektuar . Fokusi nuk do të anashkalohet asnjë sekondë as nga Seria A dhe kupa , evenimente të cilat e rrisin përgjegjësinë për një ndër klubet më të famshëm në planet .
Europiani është një trampolinë për shumë lojtarë të njohur apo të sapo zbuluar për tu peshkuar nga të mëdhatë e Europës dhe është Roman Yaremchuk ai që e ka impresionuar Stefano Piolin . Sulmuesi ukrahinas që aktivizohet me Genkun në Jupiler Pro i ka rritur shumë kreditet për të qenë pjesë e Milanit , skuadër që në ditët vijuese ka menduar të bëjë një ofertë konkrete për 25 vjeçarin . Sipas Calciomercatos opsionet e Milanit nuk kanë mbaruar me kaq sepse u shikua edhe mundësia e transferimit të Olivier Giroud por ky kapitull tashmë mund të quhet i mbyllur sepse francezi ka arritur rinovimin e kontratës me Chelsean duke e lënë në podium Roman Yaremchuk . Ky lojtar është një golashënues shumë i rëndësishëm për Genkun dhe potencialin nga i cili karakterizohet e ka demostruar në 43 ndeshje të cilat i ka finalizuar me 23 gola dhe 8 asiste , arritje që duke i shtuar rendimentin e treguar në Europian mbetet një opsion shumë i vlefshëm për Milanin që do të rikuperojë pozicionet e mëparshme në çdo kompeticion pjesëmarrës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
