Ulja e menjëhershme nga froni i La Ligas ka shkaktuar dhimbje koke tek drejtuesit e Atletico Madridit,të cilët po japin maksimumin në këtë merkato verore .
Drejtimi nga një gjigand i trainingut si Cholo Simeone mbetet një garanci për të ardhmen e ‘’ Los Colchoneros ‘’ .
I preferuari i rradhës i argjentinasit është sulmuesi Iker Bravo që mbron ngjyrat e Bayer Leverkusenit.
Spanjolli po shkëlqen në parapërgatitjet për sezonin 2022-2023 dhe sipas ‘ As ‘ ky fakt mund të përshpejtojë rikthimin në Spanjë , tek një ndër rivalët më të fortë të Barcelonës , ekipit në të cilin u formua.
Aktualisht kryeqytetasit po mendojnë seriozisht se si do të veprojnë në lidhje me këtë rast dhe mundësitë janë huazimi i Iker Bravos ose blerja e kartonit të 17 vjecarit që konsiderohet një ndër lojtarët më premtues të futbollit spanjoll.
‘’ Wanda Metropolitano ‘’ mund të shëndërrohet në strehën e re të talentit katalan dhe nëse ky operacion do të finalizohet me sukses do të kishte privilegjin të vihej nën urdhërat e një traineri që ka ndryshuar historinë e Atletico Madridit , duke i pozicionuar ‘’ Los Rojiblancos ‘’ në një ndër ekipet më të fortë të sportit më të ndjekur .
Kërkesat e ishi-t të River Plates janë një detyrim për drejtuesit e spanjollëve të cilët kanë fatin të kenë pjesë të tyre një trainer shembullor, i cili ndër vite ka dhënë maksimumin për ta lartësuar emrin e Atletico Madridit.
Në sezonin e shkuar Iker Bravo demostroi potencialin në një kampionat me koefiçent shumë kompetitiv si Bundesliga , me 10 gola dhe 3 asiste në 19 sfida dhe e ka plotësisht të merituar interesin në fjalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
