Roma siguroi shërbimet e sulmuesit Romelu Lukaku, i cili vjen nga huazim nga skuadra e Chelsea, me mundësi blerje në fund të sezonit.
Megjithatë te berdhekuqtë mund të shikojmë një tjetër emër të madh. Bëhet fjalë për mbrojtësin Sergio Ramos.
Spanjolli u largua nga PSG dhe është në kërkim të një skuadre të re. Emri i mbrojtësit 37-vjeçari së fundmi është lidhur me një kalim të mundshëm te Roma.
Sipas “Calciomercato”, Ramos i është ofruar klubit italian dhe palët janë në bisedime. Verdhekuqtë janë në kërkim të një mbrojtësi, pas largimit të Ibanez dhe dëmtimit të Kumbullës, për këtë arsye spanjolli mund të ishte një zgjidhje e mirë.
Momentalisht problem është vetëm paga e lojtarit, që përfiton 6.5 milionë euro, një shumë që te Roma nuk ia plotësojnë dot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
