Humbja e luftës për Danny Ings i cili u transferua tek Aston Villa ia vështirësoi disi rrugën Tottenhamit në gjetjen e një sulmuesi ideal . Botërisht dihet se Harry Kane është drejt largimit nga ‘’ White Hart Lane ‘’ dhe për shërbimet e tij lufton fort Manchester City. Mungesa në stërvitjet parasezonale i ka shtuar dyshimet tek ‘’ The Whites ‘’ për largimin e mundshëm të perlës britanike nga Londra .
Me të marrë vesh lajmin , Nuno Espirito Santo është vënë në lëvizje dhe e ka gjetur zëvëndësuesin e ‘’ Uraganit ‘’ .
Flitet për Andrea Belottin i cili pëlqehet nga shumë skuadra të njohura përfshi edhe Zenitin dhe hyrja në luftë e kryeqytetasve e ka bërë edhe më interesante të ardhmen e 27 vjeçarit. Pavarësisht se gjithçka mbetet e hapur , drejtori sportiv Andrea Paratici nuk ka preferuar të rrezikojë dhe synon ta mbyllë shumë shpejt këtë operacion për ti ofruar një variant Nuno Espirito Santos në sulm .
Sezonet e zhvilluara me Torinon dhe sidomos suksesi i arritur me kombëtaren ‘’ Azurre ‘’ e ka bërë figurën e italianit shumë të preferuar dhe ‘’ Gjelat e Londrës ‘’ mbeten një opsion interesant për vijimin e karrierës nga Andrea Belotti .
Sulmuesi i skuadrës ‘’ Granata ‘’ përpos suksesit me Italinë ka ditur të bëjë mirë edhe me Torinon dhe e finalizoi sezonin me 13 gola në 36 ndeshje duke treguar se mbetet një ndër sulmuesit më të frikshëm të Serisë A .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
