Është zyrtarizuar data e zgjedhjeve për kreun e Federatës Shqiptare të Futbollit (FSHF).
Komiteti Ekzekutiv në FSHF ka vendosur datën zyrtare kur do të zhvillohet Asambleja e Përgjithshme Zgjedhore.
Këto zgjedhje do të mbahen më 2 mars 2022.
Federata Shqiptare e Futbollit bën me dije se Komiteti Ekzekutiv i FSHF-së në mbledhjen e tij të datës 21.01.2022 në bazë të kompetencave që i jep Statuti i FSHF-së, vendosi të thërrasë Asamblenë e Përgjithshme të Zakonshme Zgjedhore, që do të zhvillojë punimet më datë 02.03.2022, ora 10:00 në selinë e FSHF te “Shtëpia e Futbollit” në Tiranë.
Në garën për president jenë deri tani Armand Duka dhe Dritan Shakohoxha.
Duka është dhe presidenti aktual i FSHF-së. Ai ka në këtë post që nga viti 2002. Ndërsa, Shakohoxha është një nga gazetarët sportiv më të njohur në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
