Eric Maxim Choupo-Moting do të vazhdojë të jetë pjesë e Bayern Munich të paktën edhe për një sezon. Ka qenë vetë klubi gjerman, që nëpërmjet një komunikate, ka njoftuar rinovimin e kontratës me sulmuesin. 32-vjeçari ka qenë gjatë gjithë sezonit një alternativë e sulmuesit kryesor, Robert Lewandowski dhe duket se punën e ka bërë si duhet, duke lënë të kënaqur drejtuesit.
Choupo-Moting u bashkua me Bayern në merkaton e verës së kaluar nga Paris Saint-German, ndërsa në të kaluarën ka luajtur me skuadra të njohura si Stoke City, Schalke 04, Mainz, Hamburger dhe Nurmberg.
Sulmuesi e njeh mirë kampionatin gjerman dhe kjo ka qenë një tjetër arsye, që drejtuesit vendosën t’i rinovojnë kontratën edhe për një vit.
Në sezonin që lamë pas, Choupo-Moting u aktivizua me kampionët e Gjermanisë në 32 ndeshje në total në të gjitha kompeticionet, ku arriti të shënojë 9 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
