Vlerësim i rëndësishëm për lojtarin e Milanit, zgjidhet portieri më i mirë i sezonit në Itali

Milani është vetëm një pikë larg titullit kampion, kur duhet edhe një ndeshje nga fundi dhe kuqezinjtë luajtën në transfertë ndaj Sassuolo.

Një rol të rëndësishëm për këtë arritje të Milanit, e ka edhe portieri Mike Maignan. Ky i fundit u bashkua me “Djallin” verën e kaluar, për të zëvendësuar të larguarin Donnrumma.

Impakti i francezit ka qenë menjëherë i dukshëm, teksa me pritjet e tij, ka shpëtuar skuadrën në disa raste.

Për këtë, 26-vjeçari ka marrë një vlerësim të rëndësishëm ditën e sotme. Maignan është zgjedhur si portieri më i mirë i sezonit në Serie A. Një arritje e rëndësishme për lojtarin, që luajti sezonin e tij të parë në Itali.