Ansu Fati, i cili në të shkuarën u konsiderua një ndër më të spikaturit të dalë nga akademia e ‘’ La Masias ‘’ po kalon një moment të vështirë në karrierë.
Dëmtimet e shpeshta nuk po e lejnë ta ngrejnë kokën sulmuesin, i cili provoi veten edhe tek Brightoni si i huazuar.
Rikthimi në shtëpi sigurisht nuk po rezulton ashtu siç pritej nga drejtuesit e kuq e bluve, për të cilin është shfaqur një dritë në fund të tunelit.
Jose Mourinho e dëshiron tek Fenerbahçe, koshient për cilësitë e padiskutueshme të 22 vjeçarit, ku spikasin driblimet, shpejtësia dhe sidomos rrezikshmëria në duelet një kundra një.
Të jesh në planet e ‘’ The Special One ‘’ është një privilegj për çdo lojtar pasi konsiderohet një ndër trainerët më të mirë të botës, i cili ka lënë gjurmë tek çdo ekip që ka drejtuar.
Tashmë, drejtuesit e ‘’ Blaugranëve ‘’ kanë filluar ta analizojnë largimin e Ansu Fatit, të cilët duket se janë të gatshëm të negociojnë gjatë merkatos së verës.
Nëse do të transferohet në Turqi, lojtari i lindur në Bisau do të ketë shansin për të rikuperuar terrenin e humbur por përveç Fenerbahçes edhe disa klube të tjerë janë interesuar për të marrë shërbimet e tij.
Pjesa mbetur e sezonit do të jetë një sfidë për Ansu Fatin, i cili numëron statistika të vakta me ish kampionët e La Ligas, 8 ndeshje dhe asnjë gol të shënuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
