UEFA ka dënuar Anglinë, pas ngjarjeve të ndodhura para finales së Europianit në korrik të këtij viti me Italinë në “Wembley”, ku tifozë të shumtë shkaktuan trazira dhe reth 5 mijë persona, u futën pa bileta.
Pas një hetimi të gjatë, është vendosur që Anglia të dënohet me zhvillimin e dy ndeshjeve pa tifozë në shtëpi. Anglia ndeshjen e radhës e ka me Shqipërinë, por në vendim, thuhet se dënimi do të jetë vetëm për kompeticionet e UEFA-s.
Kjo do të thotë se ndeshja me Shqipërinë do të luhet me tifozë, pasi është e vlefshme për eliminatoret e Botërorit, që është kompeticion i FIFA-s, ndërsa Anglia do të shlyejë dënimin në ndeshjet e para të Ligës së Kombeve për 2022-2023.
Gjithashtu Federata Angleze është dënuar me një gjobë prej 100 mijë eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
