Pas Sebino Plakun dhe Blagoja Todorovskit, Teuta ka zyrtarizuar ditën e sotme edhe një tjetër largim.
Bëhet fjalë për mbrojtësin Filip Ivanovic. Aventura e mbrojtësit serb në Durrës, ka zgjatur vetëm një sezon, pasi u bashkua me Teutën në fillim të kampionatit.
Ka qenë vetë klubi bregdetar, që nëpërmjet një komunikate në rrjetet sociale, bën të ditur mbylljen e bashkëpunimit me 30-vjeçarin.
Klubi i futbollit Teuta njofton se ka shkëputur marrëveshjen me futbollistin Filip Ivanovic. Klubi e falënderon qendërmbrojtësin për kontributin e dhënë sa ishte pjesë e skuadrës sonë dhe i uron suksese në vazhdimin e karrierës së tij në futboll.
Ivanovic zhvilloi 31 ndeshje me fanellën e Teutës, ku arriti të shënojë edhe katër gola, tre në kampionat dhe një në Kupën e Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
