Mbrojtësi i Interit, Frederico Dimarco, beson se Interi mund ta arrijë titullin kampion, ndonëse diferenca me Napolin është e madhe.
Në intervistën e dhënë për “Gazetta dello Sport”, ai kujtoi kur Juventusi fitoi titullin, ndonëse ishte 11 pikë pas kryesuese, apo edhe atë të sezonit të kaluar, kur Interi ishte 8 pikë para Milanit, por në fund titullin e morën kuqezinjtë.
Përveç Napolit, të gjithë ekipet e tjera kanë shfaqur oshilacione, por nuk jemi dorëzuar në lidhje me objektivin titull. Juve një herë rikuperoi 11 pikë. Edhe ne shkuam +8 sezonin e kaluar, por të gjithë e dimë si përfundoi.
Në futboll mund të ndodhë gjithçka, por do e kemi shumë të vështirë të fitojmë nëse Napoli vazhdon me këtë formë dhe rendiment. Kritikat? Të drejta, humbja në derbi ishte e merituar, por jo ajo me Juventusin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
