Pak ditë para ndeshjes zyrtare me Shqipërinë në Ligën e Kombeve një futbollist i Lituanisë ka rezultuar pozitiv me koronavirus. Lajmin e ka njoftuar vetë federate lituaneze e futbollit e cila ka bërë me dije se Dominikas Barauskas, mbrojtësi që aktivizohet me Riteriai, është prekur nga COVID-19.
“Dominikas Barauskas, mbrojtësi i Riterianit është infektuar me koronavirus. Futbollisti është izoluar nga pjesa tjetër e ekipit dhe do të mungojë për ndeshjen e radhës,”- raporton Federata Lituaneze e Futbollit.
Futbollisti në fjalë nuk ka shfaqur siptoma, ndërsa kombëtarja e Lituanisë aktualisht ka udhëtuar drejt Estonisë për ndeshjen miqësore. Lituani-Shqipëri do të luhet me datë 14 tetor, gjithmonë nëse futbollistë të tjerë nuk rezultojnë pozitiv.
Kujtojmë se ndeshja e Kombëtares shpresa e planifikuar ditën e mërkurë kundër Sllovenisë është anuluar për shkak të rasteve pozitive ne ekipin mik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
