Rendimenti i shfaqur nga Borja Mayoral në fazën e parë të sezonit, e ka shëndërruar në objektivin e Arsenalit.
Spanjolli e ka ndihmuar ndjeshëm Getafen gjatë sfidave, për të cilin drejtuesit e ‘’ Topchinjve ‘’ ofruan fillimisht 25 milionë euro, shifër e refuzuar nga madrilenët, sipas ‘ The Sun ‘.
‘’ Los Azulones ‘’ kanë përcaktuar 45 milionë euro për golashënuesin, i cili numëron 14 gola dhe 1 asist në 22 sfidat e zhvilluara deri më tani.
Qëndrimi i kryeqytetasve tregon dëshirën për ta patur në skuadër 26 vjeçarin dhe tashmë vendimi i mbetet drejtuesve të 13 herë kampionëve të Premier Leagues.
Statistikat e lartpërmendura konsiderohen një hap shumë i suksesshëm i ishi-t të Romës me një skuadër të dorës së dytë , në një kampionat me koefiçent të lartë vështirësie siç është La Liga.
Ndërkohë, bashkombasi i tij,njëkohësisht traineri i Arsenalit Mikel Arteta prej kohësh po kërkon transferimin e një sulmuesi cilësor në ‘’ Emirates ‘’ dhe Borja Mayoral konsiderohet i duhuri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
