Me Xabi Alonson në stol ka filluar një tjetër etapë në historinë e Real Madridit.
Spanjolli provoi veten si lojtar tek ‘’ Galaktikët ‘’ dhe në vijimësi mbetet për tu parë rrugëtimi i tij si trainer.
Ishi i Bayer Leverkusenit do të ketë një presion të shtuar duke qenë se do të drejtojë një ndër klubet më të suksesshëm të historisë së futbollit, tek i cili gabimet nuk tolerohen.
Eksperienca mbi supe, titujt e fituar me ‘’ Aspirinat ‘’ dhe sidomos mënyra e lojës e kanë shëndërruar në një ndër trainerët në modë në kontinentin e vjetër.
43 vjeçari me tu rikthyer në ‘’ Santiago Bernabeu ‘’ nuk ka humbur kohë dhe ka filluar të mendojë për merkaton e verës.
Zgjedhja e parë e tij është Ante Budimir, i cili ka bërë diferencën me Osasunën. Pretendimi i tij është gjetja e një lojtari me cilësi të përafërta me Joselun dhe kroati e ka bindur.
Për më tepër, për 33 vjeçarin një transferim tek Real Madridi do të ishte një sukses shumë i madh në karrierë por referuar rëndësisë tek ekipi nga Pamplona pritet edhe një reagim nga drejtuesit.
Gjithsesi, njohja shumë e mirë e La Ligas dhe sidomos Real Madridin i japin një lloj avantazhi Ante Budimir, gjithmonë nëse marrëveshja do të arrihet.
Sezonin aktual ishi i Mallorcas e përfundoi me statistika shpresëdhënëse, 24 gola dhe 4 asiste në 42 sfida, për të cilin javët vijuese do të jenë determinante.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
