Shorti i fazës “play off” të Ligës së Kampionëve/ Teuta, Laçi dhe Prishtina mësojnë kundërshtarët

Është hedhur ditën e sotme në Nion të Zvicrës, shorti i fazës “Play-Off” të Ligës së Kampionëve.

Ekipet shqiptare, Teuta, Laçi dhe Prishtina kanë mësuar rivalët e mundshëm në rast se kualifikohen në “play-off” të Ligës së kampionëve.

Kampionët e Shqipërisë, që në turin e tretë përballen me Shamrock Rovers, në rast se kalojnë tutje ndeshen me fituesin e çiftit Omonia-Flora Tallin.

Laçi e ka tepër të vështirë kualifikimin, pasi përballet me Anderlecht. Nëse arrin të fitojë, do të përballen me skuadrën fituese që do të dalë nga çifti Vitese-Dundalk.

Sa i takon Prishtinës, ata do të ndeshen në turin e tretë me Bodo Glimt, nëse kualifikohet do të përballen me skuadrën humbse të çiftit Mura-Zalgiris.

Ndeshjet e fazës “play off” të Champions-it do të zhvillohen në orën 21:00 më datat 17/18 dhe 24/25 gusht. Fituesit e çifteve kalojnë në fazën e grupeve të Ligës së Kampionëve për t’u bashkuar me 26 skuadrat, të cilat janë kualifikuar direkt.