Transferimi i trainerit Ralf Ragnick në ‘’ Old Trafford ‘’ ka hapur një dritare të re për Manchester United me objektivin e arritjes sa më lart në pjesën e dytë të sezonit . Gjermani është një teknik me shumë eksperiencë dhe e ka filluar aventurën me ‘’ The Red Devilsat ‘’ me këmbën e mbarë duke mposhtur në mesjavë në shtëpi Arsenalin me rezultatin 3-2.
Në ndeshjet e fundit anglezët kanë bërë gabime të njëpasnjëshme në mbrojtje dhe 63 vjeçari ka filluar tratativat për prurje cilësore në ‘’ Pallatin e Endërrave ‘’.
Tifozeria e zjarrtë e 20 herë kampionëve të Premier Leagues është në pritje të ndryshimit të madh me ishi-n e Leipzigut në stol dhe kërkojnë ta harrojnë shumë shpejt eksperiencën me Ole Gunnar Solskjaer .
Megjithatë gjithçka mbetet në dorë të këtij traineri për t’ia rikthyer buzëqëshjen ekipit të tij , i cili ka përzgjedhur elementët që mendon se mund ta nxjerrin nga balta Manchester United .
I pari është padyshim Erling Haaland . Sipas ‘ Bild ‘ nëse Ralf Rangnick do ta bindë norvegjezin për të lënë Dortmundit do të përfitojë një premio prej 10 milionë eurosh . Aspiratat e nordikut lidhen me faktin e të qënit shumë shpejt një ndër lojtarët më të mirë të botës dhe me ecurinë e deritanishme mund t’ia arrijë qëllimit . Pas tij renditet ish nxënësi Timo Werner me të cilin gëzon marrëdhënie të shkëlqyera dhe beson se mund ta bindë për të lënë Chelsean .
S’duhet harruar se gjermani ishte pjesë e suksesit të ‘’ Bluve të Londrës ‘’ në Champions League dhe do të jetë një detyrë e vështirë për ta larguar nga ‘’ Stamford Bridge ‘’ .Pretendimet e Manchester United nuk kanë mbaruar me kaq sepse edhe paraqitjet e Christoper Nkunkut tek Leipzigu kanë impresionuar në ‘’ Pallatin e Endërrave ‘’ , lojtar që pëlqehet edhe nga Paris St Germain .
‘’ Les Pariziens ‘’ shikohen si një rival shumë i fortë për Manchester United për arsye të potencialit ekonomik dhe rëndësisë së marrë sidomos pas merkatos së kaluar e cila i dha shansin për tu pasuruar me emra si Messi , Sergio Ramos , Donnarumma etj dhe ideja e ngulitur në kokën e Nasser Al Khelaifit për fitimin e Champions Leagues do të vijojë me këmbngulje deri në ngritjen e këtij trofeu .
Lista mbyllet me Amadou Haidara . Mesfushori nga Mali ka vlerën më të ulët të kartonit në krahasim me lojtarët pararendës dhe Ralf Ralf Rangnick beson se 23 vjeçari do të shkaktonte risi të padiskutueshme në mesfushë sepse në të kaluarën iu bind siç duhet urdhërave të tij tek Leipzigu .
Këto opsione janë tepër interesante por s’do të jetë aq e lehtë sepse gjermanët do të kërkojnë qëndrimin e tyre pasi në të kundërt do të humbnin pikë në lidhje me klasifikimin për në Europë sezonin e ardhshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
