Bradley Barcola momentalisht konsiderohet një ndër sulmuesit më premtues të kontinentit të vjetër.
Francezi është shëndërruar në një referent në ofensivën e Paris St Germain, për të cilin është interesuar së fundmi Manchester City.
22 vjeçari shquhet si një triblues shumë i mirë dhe tejet i rrezikshëm sidomos në duelet një kundra një.
Performancat dinjitoze me ‘’ Les Pariziens ‘’ sigurisht i kanë dhënë mundësinë të përzgjidhet edhe nga Didier Deschamps tek kombëtarja e ‘’ Gjelave ‘’.
Pep Guardiola e konsideron një vlerë të shtuar për ofensivën dhe i ka vënë në dijeni drejtuesit, me në krye Khaldoon Al Mubarak, të cilët parashikohet se do të bëjnë maksimumin për t’ia plotësuar dëshirën.
Kapaciteti në aspektin ekonomik në të shumtat e rasteve ka rezultuar asi nën mëngë i numrit një të gjigandëve të Premier Leagues, i cili ka investuar fuqimisht për ti shëndërruar në një ekip kompetitiv dhe të suksesshëm në kompeticionet pjesëmarrëse.
Interesi i Manchester City-t tregon progresin e Bradley Barcolas, nxënës shembullor i Luis Enriques, për të cilin pritet një reagim nga ky trainer.
Eshtë sezoni i dytë për ishi-n e Lyonit në ‘’ Parque de Prince ‘’, i shoqëruar deri më tani me 13 gola dhe 5 asiste në 28 sfida, statistika të cilat tregojnë se mbetet një element shumë cilësor për kryeqytetasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
